သားငယ်ဟာအောင်မြင်တဲ့အဆိုတော်တစ်ယောက်ဖြစ်လာပေမယ့်လည်းအကြော်သည်ဘဝကိုမစွန့်လွှတ်ဘူးလို့ဆိုပါတယ်။တစ်ချိန်ကအကြော်သည်တစ်ယောက်နဲ့လက်ရှိအောင်မြင်တဲ့အဆိုတော်တစ်ယောက်ရဲ့ကွဲပြားသွားတဲ့ခံစားချက်တွေကိုလည်း အခုလို ရင်ဖွင့်ပြောပြ လာပါတယ်။
အဆိုတော်သားငယ်ဟာလက်ရှိမှာအောင်မြင်မှုတွေပိုင်ဆိုင်နေပေမယ့်လည်းအကြော်သည်တစ်ယောက်အဖြစ်ဆက်လက်ရပ်တည် နေတုန်းပဲလို့ဆိုပါတယ်။ အဆိုတော် ဖြစ်လာလို့လည်း အကြော်သည်ဘဝကို မစွန့်လွှတ်ဘူးလို့ ပြောပြခဲ့တာဖြစ်ပါ တယ်။
” အကြော်လုပ်ငန်းဆိုတာက ကျွန်တော့်အဖေရဲ့ လုပ်ငန်းမှာ ကျွန်တော့်မိန်းမက တစ်နေ့ကို တစ်ပြည် ၆၀၀၊ ၁၀ပြည်၆၀၀၀ နဲ့အလုပ်လုပ်ရတဲ့အလုပ်သမားပါ။အဲ့ဒါကအဖေ့ဆိုင်ကျွန်တော့်ဆိုင်မဟုတ်ဘူး။ကျွန်တော်ကအကြော်သည်အကြော်ဆိုင်ပိုင်ရှင်မဟုတ်ဘူး။ကျွန်တော်အဆိုတော်ဖြစ်လို့ဝဲပစ်လိုက်ဆိုတော့လည်းဘယ်သူကဝဲမှာလဲ။ဒီအတိုင်းပဲဆက်ဖြစ်နေတာပေ့ါနော်”လို့ဆိုပါတယ်။သားငယ်ဟာမကြာခဏဆိုသလိုအကြော်ကြော်နေတဲ့ဓာတ်ပုံတွေကိုလည်းပရိသတ်တွေဆီပြန်လည်မျှဝေလေ့ရှိပါတယ်။ လက်ရှိပိုင်ဆိုင် ထားတဲ့မိသားစုလေးကလည်းစိတ်အေးအေးချမ်းချမ်းရှိတဲ့အကြောင်းကိုလည်းပြောပြခဲ့ပါတယ်။
”အိမ်ပြန်ရင်တော့ပုံတင်ဖြစ်တယ်ဆိုတာကတော့အပျော်သဘောပါ။ဘာပဲပြောပြောမိန်းမကလည်းပျော်တယ်၊ငွေလည်းရတယ်၊ သူယောက်ျားကလည်း အနေအထားတစ်ခုခုရှိတယ်ဆိုတော့မပျော်စရာအကြောင်းတော့မရှိပါဘူးသူလည်းပျော်ပါတယ်” လို့စက်တင်ဘာလ၁၈ရက်နေ့ကWaiLaLiveIn360စာနယ်ဇင်းအသိပေးပွဲမှာဖြေဆိုခဲ့တာပါ။အကြော်သည်တစ်ယောက်ကနေ အောင်မြင်တဲ့ အဆိုတော်တစ်ယောက်ဖြစ်လာတဲ့ သားငယ်ရဲ့ရင်ထဲကခံစားချက်ကိုလည်း အခုလိုပြောပြလာပါတယ်။ စိတ်ရှုပ်စရာ အနည်းနဲ့အများအပေါ်မှာလည်း အေးအေးဆေးဆေးပါပဲ လို့ သူကဆိုပါတယ်။
”စိတ်ရှုပ်စရာတော့ဖြစ်စေတယ်။အရင်ကတစ်နေ့ကိုပိုက်ဆံ၆၀၀၀၊၇၀၀၀လောက်ပဲရှာနိုင်တာအခုဆိုပိုရှာနိုင်တယ်။စိတ်ရှုပ်ရ တာကလည်းအနည်းနဲ့အများရှိတာပဲ။ကျားကြီးခြေရာကြီးဆိုသလိုပေါ့။ဒါကတော့ဖြစ်တတ်ပါတယ်လေ။အေးဆေးပါ”ဆိုပြီးတော့ ဆက်လက် ပြောပြခဲ့ပါတယ်။
အဆိုတော် သားငယ်ကိုတော့ Myanmar idol Season 2 ကနေ ပရိသတ်အားပေးမှုအများကြီးရရှိခဲ့တဲ့ အနုပညာရှင် တစ်ယောက်ဖြစ်ပါတယ်။ “လမ်းကလေး” လို့ နာမည်ပေးထားတဲ့ သူ့ရဲ့ ပထမဆုံး တစ်ကိုယ်တော် တေးစီးရီးဟာလည်း ဖေဖော်ဝါရီ(၂)ရက်နေ့ကထွက်ရှိခဲ့ပြီးဖြစ်ပါတယ်။အဲ့ဒီအခွေလေးဟာပရိသတ်အားပေးမှုရရှိခဲ့တာကိုလည်းတွေ့ရပါတယ်။
Comments
Post a Comment